Бүгүн, 12-апрелде Кемпир-Абад иши боюнча 2022-жылдын 23-октябрынан бери камакта жаткан активист Клара Сооронкулованын үй камагына чыкты.
27-мартта №1 тергөө абагында жаткан саясатчы Клара Сооронкулованын өпкөсү кагынып, саламаттыгы начарлап кеткенин анын адвокаты Чынара Жакупбекова үй камагына чыгарууну суранып жатканын маалымдаган.
Конституциялык соттун мурдагы судьясы, саясатчы Клара Сооронкуловага быйыл 20-февралда ооруканада дарыланууга уруксат берилген жана анын операция болгону кабарланган.
15-мартта кайра тергөө абагына которулган, ал оор операциядан кийин реабилитациялоого муктаж экенин 24-мартта акыйкатчы Атыр Абдрахматова да билдирген. Ал укук коргоо органдарын Сооронкулованын саламаттыгына көңүл бурууга чакырган.
Кудайдан болуп, бүгүн үй камагына чыгып, 80 жаштан ашкан апасы башына суу тегеретип,балдары сагынычын таркатып жыргап калышты.
