Домой Жаңылыктар Кыргызстанда чочко тумоосунун 34 учуру катталды

Кыргызстанда чочко тумоосунун 34 учуру катталды

19

 Үстүбүздөгү жылдын октябрь айынан бери Кыргызстанда чочко тумоосу менен ооруган 34 учур катталды. Бул тууралуу «Кабар» агенттигине Оорулардын алдын алуу жана мамлекеттик санитардык-эпидемиологиялык көзөмөл департаментинин басма сөз кызматы билдирди.

Маалыматка ылайык, октябрь айынан баштап ушул убакка чейин көзөмөл стационарларына медициналык жардам сурап кайрылган бейтаптардан сасык тумоого 764 үлгү текшерилген, анын ичинен 27,2%ынан (34) чочко тумоосу, ал эми 44,8%ынан (56) В гриппи аныкталган.

Мурда «чочко тумоосу» деп аталган А тумоосу (H1N1) чочко тумоосунун бир нече вирусунун биринен келип чыккан чочколордун курч респиратордук жугуштуу оорусу.

Эреже катары, анын клиникалык симптомдору сезондук сасык тумоого окшош, бирок катталган клиникалык көрүнүшү ар түрдүү — симптомсуз инфекциядан катуу пневмонияга чейин.

Адамдарда А тумоосунун (H1N1) инфекциясынын типтүү клиникалык көрүнүшү сезондук гриппке жана жогорку дем алуу жолдорунун башка курч инфекцияларына окшош болгондуктан, көпчүлүк учурлар тумоонун сезондук байкоосунда кокустан аныкталат. Вирус адамдан адамга абадагы тамчылар аркылуу жугат.

Белгилей кетсек, Роспотребнадзордун башчысы ден-соолукка олуттуу зыян келтирүүчү чочко тумоосу быйыл Россиянын аймагында катуу жүрүп жатканын, ал буга чейин РФнын 74 субъектисинде катталганын билдирди.

Дарыгерлер «чочко тумоосу» абдан жугуштуу экенин жана оор өтө турганын эскертишет.

A/H1N1 вирусу чакырган инфекциянын симптомдору сасык тумоонун башка түрлөрүнөн дээрлик айырмаланбайт. Төмөндө оорунун негизги белгилери:

— дене табынын жогорулашы;

— мурун бүтүү;

— тамактын кызарышы, тердөө жана тамактын оорусу;

— көкүрөктүн оорусу менен коштолгон кургак жөтөл,

-дене-бойдун оорушу;

— чарчоо, алсыздык;

— тез жүрөк согушу (тахикардия);

— баш оору, көбүнчө фронталдык бөлүгүндө;

— көздүн айланасындагы сөөктөрдүн оорусу жана ысышы, жарыктан качуу, көздүн кызарышы;

— шишик, беттин кубаруусу;

— мурундун канашы;

— уйкучулук, уйкусуздук.

Чочко тумоосунун айырмалоочу өзгөчөлүгү — ич өтүү, ичтин көбүүсү диарея. Татаалдыгы пневмония болуп саналат.