Домой Жаңылыктар Ташиев: Кадамжайдагы Чечме булагы Өзбекстанга берилген жок

Ташиев: Кадамжайдагы Чечме булагы Өзбекстанга берилген жок

11

Жогорку Кеңештин бүгүнкү, 17-ноябрдагы жыйынында Кыргызстан менен Өзбекстандын ортосундагы мамлекеттик чек ара маселеси каралууда.

Тактап айтканда, 2022-жылдын 3-ноябрында кол коюлган Кыргызстан менен Өзбекстандын ортосундагы кыргыз-өзбек мамлекеттик чек арасынын айрым тилкелери жөнүндөгү келишим жана эки өлкөнүн өкмөтү ортосунда Кемпир-Абад суу сактагычынын суу ресурстарын биргелешип башкаруу жөнүндө макулдашууну ратификациялоо тууралуу мыйзам долбоорлору каралууда.

Жыйында УКМКнын төрагасы, чек араны делимитациялоо жана демаркациялоо боюнча мамлекеттик комиссиянын жетекчиси Камчыбек Ташиев билдиргендей, Баткендин Кадамжай районундагы Чечме булагы Өзбекстанга берилген жок.

“Аны биргеликте башкаруу боюнча чечим кабыл алынды”, — дейт ал.

Буга чейин Чечме айылынын тургундары булак өзбек тарапка өтүп кетти деген жүйөө менен нааразычылык акциясына чыгышкан.