Домой Жаңылыктар Таласта акын Байдылда Сарногоевдин айкели тургузулууда

Таласта акын Байдылда Сарногоевдин айкели тургузулууда

7

 Талас шаарында кыргыз элинин көрүнүктүү акыны Байдылда Сарногоевдин айкели тургузулууда. Бул тууралуу Талас шаардык мэриясы билдирет.

Маалыматка ылайык, айкел акындын 90 жылдык мааракесине карата орнотулууда. Айкелди тургузуу үчүн Альянс-Алтын фонду тарабынан 3 млн сом акча каражаты каралып, учурда иштер кызуу жүрүүдө.

“Ошондой эле эстеликтин аймагындагы чакан гүлбакча үчүн брусчатка төшөлүп, айкелдин тегерегине арча-кайыңдар тигилүүдө. Гүлбакчаны куруу жана айланасын жасалгалоо үчүн жигердүү уул-кыздардын демилгеси менен каражат чогултулду”, — деп белгилешти муниципалитеттен.

Жакынкы күндөрдө айкелдин ачылышы күтүлүүдө.