Өмүрбек Текебаев менен Убактылуу өкмөттө Улуттук коопсуздук мамлекеттик кызматынын төрагасы Кеңешбек Дүйшөбаев жана ошол кездеги Жалал-Абад облусунун губернатору Бектур Асанов Башкы прокуратурага сурак берүү үчүн барды.
Дүйшөбаевдин айтымында, сурак 2010-жылдагы июнь окуясы боюнча козголгон кылмыш ишинин алкагында жүргүзүлгөн. Бирок ал маалыматты ачыкка чыгарбоо келишимине кол койгонун белгилеп, чоо-жайын билдирген жок.
Эске салсак, президент Садыр Жапаровдун тапшырмасы менен 2021-жылдын 15-апрелинде Улуттук коопсуздук боюнча мамлекеттик комитет 2021-жылдын 15-апрелинде 1-берененин негизинде козголгон кылмыш иши боюнча тергөөнү кайра баштаган. Кадыржан Батыровдун өлкөдөн эч кандай тоскоолдуксуз мыйзамсыз чыгып кетишине көмөктөшкөн Убактылуу өкмөттүн кызмат адамдарына карата Кыргыз Республикасынын Кылмыш-жаза кодексинин 304-беренесинин 4-бөлүгү “Кызматтык абалынан кыянаттык менен пайдалануу” боюнча козголгон. Бул, ведомство белгилегендей, 2010-жылдын май-июнь айларында республиканын түштүгүндө кайгылуу кесепеттерге алып келген себептердин бири болгон.
“Сотко чейинки өндүрүштүн жүрүшүндө 2010-жылдын май-июнь айларында Ош жана Жалал-Абад облустарында массалык башаламандыктардын чыгышына шарт түзгөн себептер жана шарттар иликтенет. Каргашалуу окуялардын алдын алуу боюнча тийиштүү чаралар көрүлөт”, – деп Улуттук коопсуздук комитетинин басма сөз кызматы жазында билдирген.
Декабрдын башында президенттик администрация 2010-жылдагы июнь окуясы боюнча кылмыш ишин иликтөө аяктоо алдында турганын билдирген.
