Домой Жаңылыктар ИИМдин делегациясы Стамбулда өтүп жаткан Интерполдун башкы ассамблеясынын сессиясына катышууда

ИИМдин делегациясы Стамбулда өтүп жаткан Интерполдун башкы ассамблеясынын сессиясына катышууда

37

Кыргыз Республикасынын Ички иштер министрлигинин делегациясы Стамбул шаарында өтүп жаткан Эл аралык Кылмыш полициясынын (Интерпол) Башкы ассамблеясынын 89-сессиясына катышууда.

Жыйынга 161 өлкөнүн өкүлдөрү, 16 министр жана 18 эл аралык уюмдар, анын ичинде Интерполдун улуттук борбордук бюролорунун жетекчилери катышууда. Байкоочу катары эл аралык уюмдар — Бириккен Улуттар Уюму, Миграция боюнча эл аралык уюму, Американын полиция бирикмеси, Европа союзунун полиция кызматы, Борбордук Американын, Мексиканын жана Кариб регионунун полиция башчыларынын комиссиясы жана башкалар катышууда.

Ассамблеянын негизги максаты – Интерпол дүйнөлүк коопсуздукту бекемдей турган так багыттарды аныктоо. Катышуучулар Уюмга мүчө-өлкөлөргө техникалык колдоо көрсөтүүнү күчөтүү боюнча сунуштарды талкуулашат. Бул иш-чара эң маанилүү эл аралык жолугушуулардын бири. Кыргызстан 1997-жылдан бери Интерполдун мүчөсү болуп саналат.

Жыйынды Түркия Республикасынын башчысы Реджеп Эрдоган, Түркиянын ички иштер министри Сулейман Сойлу, Интерполдун президенти Ким Чон Ян ачты. Сессиянын алкагында Интерполдун Аткаруу комитетин, анын ичинде Интерполдун президентин, вице-президентин шайлоо, ошондой эле Интерполдун материалдарын изилдөө боюнча комиссияга шайлоо өткөрүү, Интерполдун 2021-2022-жылдарга карата ишмердүүлүгүнүн негизги программаларын жана бюджетин уюштуруу бекитилет.

ИИМдин Басма сөз кызматы