Домой Коом Лебединовка айыл өкмөтүнүн мурдагы башчысы Бердибек Чынтемиров алдамчылыкка шектелүүдө

Лебединовка айыл өкмөтүнүн мурдагы башчысы Бердибек Чынтемиров алдамчылыкка шектелүүдө

144

Лебединовка айыл өкмөтүнүн мурдагы башчысы Бердибек Чынтемиров алдамчылыкка шектелип жатканын бүгүн, 28-октябрда жергиликтүү агенттиктер күч түзүмдөрүндөгү өздүк булактар билдирди.аАлдын ала маалыматтар боюнча, 90-жылдары бир нече үй-бүлө айыл чарба жерлерин Чынтемировго ижарага беришкен. Андан кийин айыл өкмөт башчысы болгон. 2015-жылы алар беш жылдан бери өз жерлерине ээлик кылбай, жер тилкелери жасалма соода-сатык келишими менен башкаларга сатылып кеткенин билишет.
Болжолдуу маалыматтарга караганда, жер тилкелеринин ээлеринин паспорттук маалыматтары табылып, биринин каза болгон кожоюну «тирилтилип», келишимге кол коюлган.
Өз кезегинде Чүй облустук ички иштер башкармалыгынын басма сөз кызматы Чынтемировго карата кылмыш иши бар экенин тастыктады. 25-июнда жабырлануучулардын бири Аламүдүн РИИБге кайрылган.
Бул факты КР Кылмыш-жаза кодексинин 204-беренеси («Алдамчылык») менен ЭРППга катталды.
«Иш боюнча экспертиза дайындалып, анын корутундусу боюнча юридикалык баа берилет. Ошондой эле сотко чейинки өндүрүштү толук, ар тараптуу жана объективдүү кароого багытталган тергөө-ыкчам иш-чаралары жүрүп жатат», – деп айтылат милициянын маалыматында.